Urkunde 1276 April 30: Unterschied zwischen den Versionen

Engelbertus comes de Marka dilectis in Christo. . decano et capitulo ecclesie sancti Martini Min- densis cum sincero affectu salutem. Devotionis vestre supplicationibus et quorundam specialium amicorum nostrorum precibus inclinati proprietatem bonorum in Dhem cum suis attinenciis, Mindensis diocesis, ad progenitores nostros et ad nos hactenus pertinentem, que bona Reynhardus Gograuius Heruordensis, necnon Reynhardus, Heynricus, Wernherus et Hermannus filii eiusdem Gograuii a nobis iamdudum tenebant et nunc pro quadraginta marcis vobis et vestre vendiderunt ecclesie, nos de consensu uxoris nostre necnon Euerhardi et Gerhardi filiorum nostrorum vobis et vestre ecclesie donamus in perpetuum possidendam, tam nostram quam predictorum R(eynhardi) Gograuii et filiorum eius omnem hereditariam successionem ab eisdem bonis perpetuo excludentes. In cuius rei testimonium direximus vobis presens scriptum nostri sigilli munimine roboratum. Datum apud monasterium monialium in Wrundeberge), presentibus militibus castellanis nostris, videlicet Godefrido de Houele, Gerhardo de Wettere, Thiderico Volespet, Iohanne fratre ipsius Thiderici, Rotchero de Altena, Wiscelo de Galen, Alberone dicto Clot et aliis quam pluribus, anno Domini M°.C°C.LX°XVI., in vigilia apostolorum Philippi et Iacobi.