Urkunde 975 April 25: Unterschied zwischen den Versionen

Der Ort [[Heessen]] wird in einer Urkunde von Kaiser Otto II. vom [[25. April]] [[975]] erstmalig erwähnt.  

<blockquote>

In nomine sanctae et individuae trinitatis. Otto divina favente clementia imperator augustus. Notum sit omnium sanctae dei aecclesiae nostrorumque fidelium tam praesentium quam et futurorum industriae, qualiter nos ob memoriam divinae remunerationis nec non interventum dilectae coniugis nostrae, scilicet imperatricis augustae Theophanu, cuidam viro venerabili sanctae Osnebruggensis aecclesiae episcopo Liudolfo quicquid praedii vel hereditatis ipse nostrae imperiali auctoritati in proprium donavit, reddimus in comitatu Bernhardi ducis in locis subscriptis, videlicet Apalderbach, '''Hesnon''', Liinga, cum curtilibus & aedificiis mancipiis terris cultis et incultis viis et inviis exitibus et reditibus quesitis et acquirendish pratis pascuis silvis aquis aquarumve decursibus molendinis piscationibus locis praescriptis appendicibus seu cuiuscumque modi utilitatis nostrae imperatoriae dignitati subiectum esse videretur, sicut praediximus, Liudolfo Osnebruggensis aecclesiae episcopo nostroque consanguineo reddidimus atque donavimus, eo denique tenore ut liberum habeat arbitrium tenendi donandi vel commutandi seu eidem ecclesiae suisque successoribus relinquendi. [Et ut hoc verius credatur et in posterum diligentius observetur], hanc cartam iussu nostro conscriptam anulique nostri impressione signatam manu propria subtus firmavimus.