Urkunde 1367 August 14

Graf Engelbert von der Mark, als Verwalter des kur-kölnischen Hofes Cörne, erklärt am 14. August 1367, dass, wie er erfahren, die dort begüterten Dortmunder nicht gehalten sind, im vogtdink zu erscheinen.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Wir Engelbrecht greve van der Marke doin kund ind kenlich allen guden luden, dye diesen endgegenwordigen brief seyn ed horen lesen, dat wir degedingeden mit den burgeren van Dorpmunde, dye hoyve ind land hebt, dar men iarlikes aif ghivet pacht in den hoyf to Curne, wantt uns nu thor tiit dye vurg. hoyf bevolen is tho verwarene van des gestichtes wegen van Colle ind spraken dye burgere dar umme aen, dat sey iarlix nicht enhelden dye vogetdync des vurg. hoves tho Curne, ind hir umme hadde wir unse vrunt an sey gesant ind in cuntschap tho vurhorne al gelegenicheid dar van. Des synt unse vrunt, dye wir dar umme gesant had, den wider an uns gekomen ind hebt uns underwiset ind berichtet, na deme dat sey in der gantzen waren alden cuntschap gevunden hebt ind ouch in openen brieven geseyn ind gehort hebn lesen, dye wanner ein ertzebyschop van Collen ind siin capittel mit em besigelt hebn. ind ouch in anderen openen besigelden brieven , dat sey mugelich ind bescheiden duncke wesin van rechts wegen, dat dye vurg. Burgere, den dye hoyve ind land vurg. tobehort, er erven ind er nakomelinge dar inne besitten sulen, ind wir ind unse nakomelinge sey darinne besitten laten, in der hoyve ind des lands asso gebruken, as sey dar ynne lange tiit ind manich iar van ertzebyschopen tho ertzebyschoppen ind ouch van sculten to sculten bit her to geseten hebt sunder vogetdync dar van tho haldene, ind ouch anders nicht dar van tho doine. mer dat sey iarlix er pacht dar van geven sulen, ind dye betalen binnen Dorpmunde op den Vriithof tho den tyden, asso as sey dye van alders bit her to betalt hebt. Hir umme wantt unse vrunt dit mugelich ind bescheiden dunkit wesin van rechts wegen, so wel wir dem rechte ymmer dar mide volgen ind laten dye vurg. burgere er erven ind nakomelingen in den vurg. hoyven ind lande vry op dye pacht vurg. besitten, as wir sey gevunden hebn, ind an uns synt gekomen, ind as sey dar inne besetten hebt bit her to, ind enkennen overmitz dies brieve, dat wir ind unse nakomelinge, ef ymand anders van uns wegene sey dar enboven nicht vurder kruden, hyndern, dryngen ef anspreken ensulen ef enwellen, wantt wirs ind unse nakomelinge van rechts wegene ind mit bescheide nicht doin mugen in eyniger wiis. na dem dat unse vurscrevene vrunt an uns gebraicht hebt, allirkunne argelist lutterliche uytgesproken. In quorum testimonium sigillum nostrum ex certa nostra scientia presentibus duximus apponendum. Datum anno domini 1367 in vigilia assumptionis gloriose virginis Marie.

Siehe auch

• Portal:Urkunden