Urkunde 1351 Dezember 17 a

Die Stadt Dortmund schließt am 17. Dezember 1351 ein Bündniss mit dem Grafen Gotfried von Arnsberg und bekundet ihre Verpflichtungen gegen denselben.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Wii bürghenneistere und rait und dey ghemeynen burghere der stad von Dorpmunde dun kunt allen luden, dat um kentleke unrecht und ghewalt, dey uns ghescheyn synt van dem greven van der Mark synen amptluden, syme marscalke und ihren helperen an rove, an brande und an schattinge ut des vorgenanten greven sloten und dar weder in, synt des eyndrechteleke over eyn ghekomen wol beraden, dat wii welt dey ghewelde und dat unrecht keren na al unsir macht und verbindet uns vestleke myt eyme edlen manne, hern Goderde, greven to Arnsberg, und sinen rechten erven und lovet yme in dissem breyve, dat wii yme helfen wellen und sulen myt ghanzer truwe, der wile dat dat orloghe wart myt dem greven van der Marke vorghenompt, dar wii myt yme gegenwordleke syn inne verbunden op unse kost, eventure und ghevelle op hern Engelberte greven van der Marke und al den gheyn, dey in syme lande gheseten syn und op al dey gheyne, dey nu syne vigende syn und noch werden mughen, ut ghenomen in dissen stucken dat Romesche rike, den erchibiscop van Colne und syn ghestichte und dy stede van Sust, Monstere und Osenbrughe. Oich love wii, dat wii sulen halden den vorghenomden greven sine erven und sine vrond in unsem slote und dar weder in und ut unsir stad, unvermeyneget und unverweldeget,oich ut ghenomen dat wii dem greven van Arnsherg und sinen vronden en sulen neyne volginge dun, it en sy myt unsern guden willen. Vortmer love wii, dat wii noch vrede, noch daghe noch zone nemen noch halden noch ane ghan en suln, it en sy myt des vorgenanten greven eder sinen erven ofte he aflivich worde vollen willen. Wert oich sake, dat wii afte unse vrond myt unsen vigenden verghadderden, dar dey selve greve afte syne vrond mede weren, worden dar vangene ghevatigen, dey sule wii op beide siit ghelike deyln und scatten, und op dat al diese vorgescrevenen dink stede und vast syn und bliven, so love wii und sekert in guden truwen an edes stad al disse vorghenomden stucke stede und vast to haldene alle argelist ut ghescheden in dissen dingen. In eyn ghetuchnusse dieser rede so heb wii unse grote ingesegel an disen breif gehangen. Gegheven na godes gheburt 1351 iar, des nesten saterstaghes na sante Luden daghe.

Siehe auch

• Portal:Urkunden