Urkunde 1231: Unterschied zwischen den Versionen

In nomine Domini. Amen. L(udolfus) Dei gratia Monasteriensis ecclesie episcopus omnibus etc. Quapropter ad noticiam omnium tam futurorum quam presentium pervenire volumus, quod Henricus dictus Luniger de consensu ac voluntate heredum suorum bona in Modwic, que de manu comitis Adolfi de Marca in pheodo tenuit, civibus nostris in Bekehem pro quinquaginta marcis vendidi, et dictus comes de Marca eadem bona ad petitionem dicti Henrici Luniger ecclesie nostre libere contulit et in manus nostras resignavit. In quorum recompensationem Henricus dictus Luniger proprietatem mansi in Dalebochem dicto comiti de Marca dedit. Nos vero dicta bona in Modwic civibus nostris in Bekehem es iure contulimus possidenda, quod in vulgo wicbilethe appellatur. Ut autem hoc donatio a nobis rationabliter facta stabilis permaneat et infirmari non possit, presentem paginam conscribi fecimus et nostro et dicti comitis Adolfi de Marca sigillis communiri. Acta sunt anno gracie M°.CC°.XXXI°, presidentesedi Romane Gregorio VIIII°, regnante Fretherico Romanorum imperatore et semper augusto, pontificatus nostri anno sexto, coram honestis et probate fidei viris quorum nomina sunt hec: Gerewinus de Rinkerothe, Thegenardus de Leymette, Petrus de Wickethe, Adolphus de Boyne, Gotzalcus Torc et suus frater Theodoricus, Woltherus de Herincke, Wickerus et Hartlevus de Hamme, Henricus Franzois ... frater Adolfus, Lubertus de Boine, Everhardus Umberadene, Johannes de Thinkere, Johannes de Hovele, Johannes de Voswinkele et alii quam plures.

</blockquote>