Urkunde 1216: Unterschied zwischen den Versionen

In nomine sancte et individue Trinitatis. Engelbertus Dei gratia Coloniensis ecclesie electus omnibus quorum inspectioni presens scriptum fuerit oblatum notum esse volumus, quod nobilis vir Jonathas de Ardea ius patronatus ecclesie de Mengede in manus nostras resignavit eo animo, ut nos illud cenobio de Scheide conferremus. Nos itaque ad Dominum habentes respectum ac ut ipsius Jonathe pie satisfaceremus voluntati, eiusdem ecclesie ius patronatus contulimus predicto cenobio perpetuo possidendum. Ut autem hec rata maneant, super his paginam conscribi fecimus et sigilli nostri appositione muniri. Acta sunt hec [anno] Dominice incarnationis millesimo ducentesimo sexto decimo et coram testibus subscriptis: Theod[erico Xanctensi] Henrico Bunnensi preposito, Godefrido capellario, Henrico de Essende, Pilegrimo [notario] Adolpho comite de Altena, Frederico comite de Isenbergh, Bertholdo de Buren, Friderico de Witte et aliis quam pluribus.