Urkunde 1303 Mai 1: Unterschied zwischen den Versionen

Omnibus presens scriptum visuris & audituris, Nos Symon, nobilis Dominus de Lippia notum facimus, quod Richardus miles, dictus de Hesne, proprietatem quorundam agrorum, qui Twihusen appellantur, sitorum prope opidium Widenbrugge infra terminos, qui Wicbelede dicitur, quos jure feodi Hermannuns de Overbeke de manu ipsius Richardi tenuerat, vendidit ipsi Hermanno de Overbeke tribus marcis denariorum monsteriensium sibi traditis & solutis, uxoris sue ac heredum suorum consensu, resignans omne jus, quod in prefatis agris hactenus dinoscitur habuisse. Acta sunt hec apud Hedemole presentibus hiis, Gherwino de Rinkenrode, Luberto de Vorshem, Engelberto de Herborne, Alexandro de Volenspit, Thiderico Harme, militibus castellanis in Castro Marche; Bertoldo de Tunen judice in Hammone; item Bertoldo & Conrado dictis Avenstrot fratribus, Thetmaro dictus Retberg, Wlfhardo de Walgarden, Ottone de Sendene, militibus castellanis nostris in Rehde & aliis quampluribus fidedignis. In cujus rei testimonium in presenti scripto sigillum nostrum duximus apponendum. Datum anno Domini M°. CCC°. tertio, die apostolorum Philippi & Jacobi.

</blockquote>

== Literatur ==