Urkunde 1212
Propst Dietrich von Xanten und Soest trägt im Jahr 1212 dem Villicus Hermann von Stockum den Hof daselbst auf.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 (S. 40) zitiert: [1]
In nomine sancte et individue Trinitatis. Ego Theodericus Dei gratia Xantensis et Susatiensis prepositus et Coloniensis archidiaconus omnibus Christi fidelibus inperpetuum. Ut que nostro geruntur in tempore negocia firmiora permaneant et magis rata et ne inposterum possint retractari, litterarum memorie ea duximus commendanda. Sciant ergo tam futuri quam presentes, quod, cum ex bonorum hominum testimonio et assertione quam plurium nobis constaret plenius, quod facto hominio tam pater quam avus Herimanni villici nostri in Stochem curtim nostram ibidem eo iure quod ambetlen dicitur possedissent, nos tali iuri in nullo volentes obviare, eidem Herimanno et universis suis heredibus masculini sexus nobis vel successoribus nostris facto hominio prefatam curtim supradicto iure concessimus possidendam, tali tamen adiecta conditione, ut quicumque possessor fuerit singulis annis ab eadem curte in Cathedra beati Petri duas marcas preposito Susatiensi persolvat, sicut sui decessores. Igitur ut super hoe facto nostro rationabili calumpnia inposterum non subnascatur, presentem paginam conscribi fecimus et sigilli nostri munimine roborari. Acta sunt hec anno Dominice incarnationis millesimo ducentesimo duodecimo, regnante domino Ottone Romanorum imperatore, presidente Coloniensi pontificali cathedre domino Theoderico, publice in opido Susat(iensi) coram testibus subnotatis: Artus de Sveve, Albero filius Brunsteni, Herimannus Hundertmare et filius suus Godefridus, Wighardus de Wicmarinchusen, Godescalcus Fernere, Radolfus de Grantwege, Crahto ibidem, Albertus Bruninge, Sifridus Scatman, Hermannus de Dulle, Gerwinus Mengerus, Theodericus de Sassenthorp, Elricus Cavoldus et alii quam plures.
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901