78.624
Bearbeitungen
Urkunde 1277 April 7: Unterschied zwischen den Versionen
→Wortlaut
Keine Bearbeitungszusammenfassung |
|||
| Zeile 6: | Zeile 6: | ||
<blockquote> | <blockquote> | ||
Nos Simon Dei gratia Paderburnensis episcopus et tutor domini Lippensis, Heinricus Landgrauius, dominus Hassie, Willelmus Iuliacensis, Willelmus primogenitus eius, Adolfus de Monte, Heinricus frater eius, Godefridus Seynensis, Otto de Nassowe, Engelbertus de Marcha et Euerhardus filius eius, Godefridus de Arnesberg et Ludewicus filius eius, Theodericus dictus Luf de Cleue, Heinricus et Iohannes de Sponhem, Heinricus de Kesle, Willelmus de Salmis, Heinricus de Virneburg, Fredericus de Retberg, Otto de Thekeneborg, Theodericus de Limburg, comites; Theodericus de Heymerberg, Heinricus de Isenburg, Gerlacus et Ludewicus filii sui, Bertoldus et Bertoldus de Buren, Walramus de Valkenburg, Rimbertus de Virneburg, Otto de Waldecke, Simon de Lippia et Otto de Wickerode, Fridericus et Henricus fratres de Ripersceit, notum facimus universis, quod consideratis adversitatibus, que ex multis causis multociens oriuntur, ad confederationis vinculum cum fidei datione strinximus manus nostras, et sub eadem fide promisit et se obligavit quilibet nostrum alteri assistere et prestare auxilium patenter ad defensionem iuris sui contra venerabilem dominum archiepiscopum Coloniensem in guerra presenti et alios iniuriatores et invasores nostros quoscumque, ita quod nec treugas nec compositionis formam inibimus aliquo de nobis confederatis excluso vel quomodolibet pretermisso. Si vero pro tempore inter predictum archiepiscopum et nos universaliter concordiam contigerit ordinari, et sepedictus archiepiscopus vel quicumque alius unum vel plures ex nobis confederatis hostiliter invadere voluerit, nos eidem vel eisdem astabimus contra talem vel tales invasores consilio et auxilio bona fide, fraude et dolo exclusis, ad quindenam, postquam ab eo vel ab eis fuerimus requisiti. Et sciendum, quod ab huiusmodi confederatione serenissimum dominum Romanorum regem exemptum esse volumus et exclusum. Adiectum est etiam, quod, si aliquis ex nobis in dicta confederatione negli(g)ens inventus fuerit contra ipsam veniendo temere, contra talem tanquam fidei et honoris violatorem hostiliter unanimiter insur- gemus. Ut autem universa et singula predicta roboris habeant firmitatem, litteras presentes conscribi fecimus et sigillorum nostrorum munimine roborari. Acta sunt hec apud Thuicium, anno Domini M°.C°C.LXX. septimo, proxima feria quarta post dominicam, qua cantatur Quasi modo geniti. | |||
</blockquote> | </blockquote> | ||