Urkunde 1371 April 24

Graf Engelbert von der Mark bekundet am 24. April 1371, dass er den Kauf von Besitzungen in Dortmund und der Feldmark als den Rechten der Stadt zuwiderlaufend zurückgenommen hat, und will die Stadt in keiner Weise beeinträchtigen.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Wii Engelbraicht greve van der Marke doin kundich allen luden und bekennen, dat wii mit unsen guden vrunden burgermeistern raide und den ghemeynen burgeren der staid van Dorpmunde van allen stucken, dey uns bitte op diesen hudygen daigh datum dis breyffs tot een werende was, sint guytlichen und vruntlichen verlyket und verscheiden, also dat wii sey alyncg dar van quiit schelden, und wante wii tot anderen tiiden mid Conraide Cleppynege seligen Hermans Cleppyncgs soyne, dem goet genade, eenen koep ghedaen hadden as mit eme huys und mit ener hovesate gelegen bynnen der stad van Dorpmunde und mit veyrdenhalven morghen iaarsediges landes bynnen der veltmarke van Dorpmunde gelegen mit eren to behoryncgen, dey wanner seligen Conraide Cleppyncge deme juncgen toe ghehart hadden, und wii syder der tiit van unsen vrunden des verleert und wiies ghemaket syn , dat na aldem rechte und ghewonden der staid van Dorpmunde neymant maich hebben ertlich guyt bynnen der staid und veltmarke to Dorpmunde vorsc., hey en sii en burghere to Dorpmunde, hier umb und ouch wante wii noede eymande am siinen rechte kruden oft hynderen wolden, so schelde wii den vurg. alynegen koep deghere und al quiit und laten den selven alyncgen koep mit siinen tobehorynegen wider in hand Conraides Cleppyncges seligen Hermans [Cleppyn]eges soyns vurgen. und wii ensulen noch ene wellen noch neyman en sal van uns wegene uns des vurg. kopes nicht vur[t. underw]ynnen ienige wiis. Vartmer so verbynde wii uns des und geloven in guden truwen in openen breyve, dat wii noch u[nse erven in]d nakomelyncge greven tor Marke noch neymant van unser wegene uns nicht beerven sullen bynnen der statt unde ..... to Dorpmunde neynegewiis van diesem daige vart ain datum dis breyffs vur det dan wii alreyde dar bynnen gheervet siin. [Vartmer gelo]ve wii in guden truwen, wert, dat dey raid van Dorpmunde off eynige van eren borgeren mit eynigen, dey ere borgere weren eder er[e borg]here gheweist hedden , twiist hedden off kregen hir namaels twiist, in wat wiise dat dey twiist op erstanden were, off opstunde, der l[iff] und eres guydes en sule wii noch en wellen uns noch neymand van uns. wegene neynige wiis underwinden noch verdegedyncgen inthegen den raid van Dorpmunde noch intghegen ienige ere borghere, alle argeliist in diesen dyncgen uyt ghescheden. Und op dat alle diese vurgescr. stucke und er itlich bysunder stede unde vast blyven, so hebbe wii dis tot orkunde und gantzer stedicheyt unse grote inegesegel ain diesen breyff doin hancgen. Datum in vigilia beati Marci ewangeliste anno domini 1371.

Siehe auch

• Portal:Urkunden