Urkunde 1278 Februar 18

Am 18. Februar 1278 verkauft Graf Ludwig von Arnsberg die Vogtei über Soest an die dortige Stadt. Zu den Zeugen und Mitsieglern der Urkunde gehört auch Graf Eberhard von der Mark.

Wortlaut

Die Urkunde ist in lateinischer Sprache verfasst und wird nach Seibertz (S. 465-467) zitiert:

In nomine domini amen Ludewicus Comes Arnsbergensis Junior Omnibus presentes litteras percepturis imperpetuum. tenore presencium protestamur et notum facimus vniuersis tam posteris quam modernis, quod nos cum consensu et bona voluntate domini ac patris nostri vxoris quoque nostre domine petronille puerorum et heredum nostrorum, nec non et fratris nostri Johannis qui huic contractui presens aderat Insuper de consilio fidelium ac ministerialium nostrorum Aduocaliam nostram in Susato cum Banno et Jurisdictione et cum annua pensione duodecim marcarum ad ipsam Aduocatiam pertinencium que ex tribus Curtibus domini nostri Archiepiscopi Coloniensis. videlicet Oystinhusen, Hatdorpe et Borgelen statutis ad hoc temporibus singulis annis erogantur, et cum vniuersis attinencijs predicto Susatiensi Opido et Oppidanis ibidem rite et rationabiliter vendidimus et concessimus in feudo absoluto, justo absoluti feudi tytulo perpetuo possidendam, duodecim Opidanis ibidem scilicet Alberto de Palsode Juniori, Henrico dicto guldene Meinrico de Thedinchusen Wernero Rufo Johanni fratri suo Andree de Keflike hermanno de Bodicken, Syfrido Cabolt, Gotmaro de Medebeke, Thitmaro de Doeme, henrico de lunen et helmico Scotthen nomine predicti oppidi et Opidanorum ibidem dictam Aduocaciam cum attinencijs de manu nostra suscipientibus in feudo absoluto Quorum quandocunque aliquem decedere contigerit vel mori, pro tempore nos et heredes ac successores nostri infra spatium Mensis vnius postquam id a nobis requisitum fuerit sine qualibet contradictione, ac sine omni predictorum Oppidanorum pecunie datione Aduocatiam ipsam in manus aliorum Opidanorum ibidem, quos consilium eiusdem Opidi nobis ad hoc pro tempore duxerit presentandos simili modo concedemus in feudo absoluto, qui eam nomine predictorum Opidi scilicet et Opidanorum de manu nostra siue heredum vel successorum nostrorum suscipient sicut superius est expressum Ita sane quod numerus Opidanorum Susaciensium a nobis infeudatorum de predicta A duocatia semper in duodecim stet personis Ceterum quando cunque a Consulibus Susaciensibus requisiti fuerimus nos aut beredes siue successores nostri, nostrum jus infeudacionis quo infeudamus de predicta Aduocatia seu dominium ipsius feudi sine contradictione et difficultate qualibet resignabimus in manum in quam ipsi iusserint resignari nec huiusmodi resignacionem faciemus alicui homini sine ipsorum consensu et plenaria voluntate Preterea judicia nostra que vrygedinck appellantur quibus presidere solemus extra muros Susaciensis Opidi non presidebimus nec quisquam presidebit auctoritate nostra in locis sepedicto Opido Susaciensi propioribus seu in quibusquam alijs locis preterquam in hijs in quibus hoc fieri antiquitus est consuetum, nec aliqui de prefatis Opidanis Susaciensibus citandi vel trahendi sunt in causam in eisdem Iudicijs seu in aliquo ipsorum extra muros Susacienses coram nobis siue coram nostro vrigrauio, nec in eisdem Iudicijs aliqualiter sunt gravandi Ad obseruacionem igitur omnium premissorum pater ac dominus noster dominus Godefridus comes maior Arnsbergensis Johannes frater noster et nos vna cum ipsis nos firmiter obligantes data fide pro nobis pro heredibus nostris ac successoribus pariter promittimus Opidanis Susaciensibus sepedictis quod omnia et singula premissa per singulos articulos eis inuiolabiliter obseruabimus nec contra aliquem prenominatorum articulorum aliquatinus veniemus. Vt igitur hec omnia rata et in conuulsa permaneant et ne quis postmodum tentetur infringere presentem paginam super eo conscriptam Opidanis Susaciensibus memoratis contulimus domini Godefridi patris ac domini nostri Comitis Arnsbergensis maioris, nostri quoque, et vxoris nostre supradicte Sigillorum munimine roboratam, Preterea Sigilla nobilium virorum cognatorum nostrorum videlicet domini Euerhardi Comitis de Marka, et nobilis viri domini Johannis de Bylstein apponi presentibus impetrauimus ad maiorem euidentiam premissorum Testes huiusmodi rei sunt Conradus de hustene Anthonius Wrede Lambertus de Morsche, florinus de Sassendorp Milites. Item Wilhelmus de Ardeye, vir nobilis, henricus notarius noster hermannus de Moldesbergh dapifer noster, Rutgherus de Hustene, Gerwinus de Remlinchusen, Sifridus de Anetuelde, Euerhardus de Zetuelde, Wilhelmus Camerarius et alii quamplures nostri ministeriales et fideles. Item Hermannus de Benekinchusen tune temporis judex Susaciensis Godeschalcus de Westhusen et Arnoldus de lunen tune magistri consulum et totum Consilium Opidi prenotati et alij quamplures vniuersitatis similiter Opidi sepedicti Datum et Actum in domo Consulum in Susato. XII. kal. Marcii Anno domini MCCLXXVIII.

Übersetzung

[in Arbeit]

Literatur

• Joh. Suibert Seibertz: Urkundenbuch zur Landes- und Rechtsgeschichte des Herzogthums Westfalen. Erster Band. 799-1300. Arnsberg 1839

Siehe auch

• Portal:Urkunden