Urkunde 1230 August
Im August des Jahres 1230 vergleichen sich die Stifter Köln und Corvey über den Besitz von Marsberg. Unter den Zeugen befindet sich auch Graf Adolf von der Mark.
Wortlaut
Die Urkunde wird nach Seibertz (S. 242-244) zitiert: [1]
In nomine sancte et indiuidue trinitatis. Henricus diuina fauente clementia sancte Coloniensis Ecclesie Archiepiscopus. vniuersis xpi fidelibus ad quos presens pagina peruenerit in perpetuum. Ad obliuionis confusionem euitandam. notum esse cupimus tam presentibus quam futuris, quod super controuersia inter nos. et Herimannum abbatem Corbeygensem. super monte martis et aliis habita. nos tum propter pacem terre. tum propter ecclesie nostre et sue mutuam in perpetuum promotionem et familiaritatem. prudentum consilio et ecclesie nostre consensu. amicabiliter cum ipso composuimus in hunc modum. quod nos uidelicet et ecclesia coloniensis. retinebimus medie- tatem iam dicti montis cum omni iure et prouentu. excepto claustro in monte sito quod Abbatis et ecclesie Corbeygensis. spirituali iurisdictioni et dominio solummodo subiacebit. Neuter nostrum castellanum in dicto monte locabit uel edificium aliquod construet. sine alterius consensu et uoluntate. Si uero aliquid edificandum est. fiet de consilio amborum et communibus expensis. Nos autem in restaurum iam dicte medietatis montis cum consilio Priorum et consensu capituli ecclesie maioris curtim in Driuere. ecclesie Corbeygensi. cum omni iure contulimus perpetuo possidendam. Ad amplioris quoque dilectionis et familiaritatis firmitatem, memoratus abbas de consilio suorum fidelium et ecclesie sue consensu. Castri lichtenuils medietatem nobis et ecclesie Coloniensi assignauit. et nos oppidum prope castrum idem. communibus edificabimus expensis. et muniemus. quod in omni prouentu nobis erit commune. In castro autem nullus instituetur castellanus nisi de consilio partis utriusque. Si uero molendina prope castrum edificata fuerint. medietas prouentuum nobis et ecclesie nostre cedet. Item bona abbatis et ecclesie sue et suorum ministerialium et castrensium. tam in oppidis quam uillis et hominibus. et aliis ad eum et ipsos pertinentibus, ab exactionibus et quibuslibet iniuriis salua erunt. et in nostra tuitione consistent. nisi forte ad proclamationem terre ad iusta iudicia contra malefactores exercenda iidem homines Corbeygenses. debeant subseruire. Item prenotato abbati. XII dedimus fideiussores subnotatos. qui fide data promiserunt quod si aliquis hominum nostrorum. ipsum vel homines suos ad summam uiginti marcarum uel infra leserit, nos commoniti infra. IIIIor septimanas faciemus emendari. alioquin nostri fideiussores facta sibi commonitione mersberg intrabunt. inde ante satisfactionem non exituri. Si uero nos iustum iudicium in ipsum malefactorem exercuerimus. uel eum de oppidis et castris nostris et terra expulerimus. ipsi fideiussores ex eo sunt absoluti. Hii autem sunt fideiussores. Herimannus aduocatus colonieusis. Theodericus dapifer. Franco pincerna. Godefridus camerarius. Gozwinus marscalcus, Richwinus marscalcus. Johannes de padeberg. Gozwinus Scultetus Susaliensis, Theodericus et Herbordus de hildene. Hermannus spigil. Henricus de Werle. Si uero aliquem fideiussorum predic torum decedere contigerit. loco ipsius alius substituetur. Item ministeriales et castrenses nostri et abbatis non debent in oppidis nobis communibus per iudicium detineri. nisi in manifestis excessibus. ut furto. rapina et similibus deliquerint. propter quod ibidem iudicabuntur..et si aliquis a nobis proscriptus fuerit. ille nostre seruabitur iurisdictioni. Item si ministerialis noster uel castrensis uel aliquis in oppidis et castris nostris residens nostra sera firmatis et uigilibus custoditis. erga ecclesiam Corbeyg. deliquerit. nos. uel si absentes fuerimus a Prioribus nostris.ab Abbate uel si ipse presens non fuerit à conuentu suo commoniti. infra tres menses faciemus emendari. Quod si emendare noluerit. nos eum a castris et oppidis nostris expellemus. et contra eum Abbati assistemus. Quod si non fecerimus. m mons martis totaliter ecclesie Corb. cedet. Vt autem inter Coloniens. et Corb. ecclesias propensior perpetuo uigeat et obseruetur dilectio. ea inter nos interuenit confederatio ut nos et ipse ecclesie sibi contra omnem hominem excepto Imperio in suo iure assistent. et si nos uel aliquis successorum nostrorum premoniti ad. IIIIor.. septimanas domino Abbati uel alicui successorum suorum non astiterimus. mons martis ipsi et ecclesie sue totus cedet, et ipse uersa uice cum suis successoribus in in simili casu pene consimili subiacebit. Vt autem hoc factum ratum permaneat et inconuulsum. presentem paginam exinde conscriptam. nostri et maioris ecclesie Colon. sigillorum appensione fecimus communiri. Testes huius rei sunt. Conradus maior prepositns et archidiaconus colon. Johannes prepositus Bunnensis et archidiaconus. Godefridus prepositus xantensis et archidiaconus. Arnoldus prepositus sancti Gereonis, Henricus prepositus sti seuerini. Bruno prepositus sti kuniberti. Henricus prepositus sti Georgii. Albertus subdecanus. Gozwinus choriepiscopus, Bonefacius scolasticus. Godefridus prepositus monasteriensis. Henricus comes seinensis. Adolfus comes de marcha. Godefridus comes de arnsberg. Bernardus de lippia. Volquinus de Sualenberg. et Adolfus frater eius. Conradus de Itere. Bernardus de Osde. Ionatas de ardei. Henricus niger. Herimannus aduocatus Colon. Hermannus marscalcus et Gozwinus filius eius. Theodericus dapifer. Franco pincerna. Godefridus camerarius. Riquinus marscalcus. Gozwinus scultetus Susatiensis. Johannes de padeberg. Albertus de stürmede. Wernerus et Bertolfus de Brakele. Theodericus et Heribordus de hildene. Herimannus spigil. Cunradus de amelunx. et Herbordus filius eius. Hermannus de nienkirken. Gerardus hadeke. Godefridus de Godelumen. Ordemarus. Bernardus de Dalheim. Henricus de luttardessen.Albertus dictus vrie. Theodericus de weten. Albero e dei reclenchusin. Alardus et alii quam plures. Acta sunt hec apud Susatum. anno dni. Mo. CC. XXX. mense augusto.
Literatur
- Joh. Suibert Seibertz: Urkundenbuch zur Landes- und Rechtsgeschichte des Herzogthums Westfalen. Erster Band. 799-1300. Arnsberg 1839
Siehe auch
- ↑ Joh. Suibert Seibertz: Urkundenbuch zur Landes- und Rechtsgeschichte des Herzogthums Westfalen. Erster Band. 799-1300. Arnsberg 1839