Urkunde 1243 März 3
Graf Adolf von der Mark und seine Söhne Otto, Engelbert und Gerard verkaufen am 3. März 1243 dem Grafen Otto von Geldern die Güter, die sie von dem Herrn von Krieckenbeck geerbt haben.
Wortlaut
Die Urkunde ist in lateinischer Sprache verfasst. Ihr Wortlaut wird nach dem Sloet (Band II, S. 641-642) zitiert: [1]
In nomine sancte et individue Trinitatis. Nos Adolphus, comes de Marcha, una cum dilectis filiis nostris Ottone, Engelberto // nec non Gerardo, notum facimus universis,
presentem paginam in perpetuum visuris, quod nos, congregata manu, universa bona nostra, ubicumque // sita sint hac parte Reni, que nobis hereditario iure a domino de Crikenbeke attinebant, sive sint allodia, sive feoda, // cum omnibus etiam pertinentiis eorundem bonorum, curtim de Rufsosteren cum suis attinentiis, homines nostros de Kempene cum aliis fidelibus, ministerialibus, et quoscumque alios homines, quali modo nobis astringantur occasione dominii de Crikenbeke, nostra spontanea voluntate illustri viro, domino Ottoni, comiti Gelrensi, vendidimus pro mille et septingentis marcis Coloniensium denariorum, renunciando et eftestucando, prout debuimus; exceptis tamen hominibus nostris de Werdene, bonis de Ditren et bonis Iohannis de Hengesthbech, que a nobis et a posteris nostris in feodum habebuntur. Promittimus etiam, quod nos eidem comiti Gelrensi super allodio predicto faciemus werandiam, prout iuris fuerit et ius exiget contra universos viventes, sed contra Mechtildem et filiam eius, relictam pie memorie domini Everardi, quondam karissimi ac dilectissimi filii nostri, eidem comiti Gelrensi nullam faciemus werandiam, si alia bona de Crikenbeke casu contingente forte impetere voluerint occasione aliqua. Item nos, supradicti domini Adolphi, comitis de Marcha filii, profitemur nos esse secutores feodales, si medio tempore dilectum patrem nostrum, dominum Adolphum, antedictum comitem de Marcha, mori contingeret, adeo diu, donec dictus Otto, comes Gelrensis, feodum suum susceptaverit ab archiepiscopo Coloniensi, quicumque ille fuerit. Concessimus etiam dictum feodum in hunc modum ad opus nobilis viri domini Ottonis, comitis Gelrensis, domino Stephano de Lanedorph, Godefrido de Elmth, Godefrido, filio Theoderici advocati de Ruremunde, militibus, quod si istorum trium unus moreretur, antequam dictus Otto, comes Gelrensis, dictum feodum susceptaret ab antedicto archiepiscopo Coloniensi, loco illius defuncti alium admittemus, quemcumque dictus comes Gelrensis voluerit, et sibi dictum feodum concedemus. Item quecumque bona, videlicet de bonis de Crikenbeke, nos obligavimus vel impignoravimus, illa redimemus iustitia vel amicitia, dicto Ottoni, comiti Gelrensi, libere reddenda.
Ut autem hec nostra venditio a nobis et a posteris nostris rata et inconvulsa semper permaneat, presentem cartam, inde conscriptam et datam, sigillo nostro duximus roborandam.
Nos vero prefati filii antedicti domini Adolphi, comitis de Marcha, quia sigilla non habemus, usi fuimus sigillo ipsius patris nostri.
Literatur
- Sloet: Oorkondenboek der Graafschappen Gelre en Zutfen tot op den Slag van Woeringen, 5. Juni 1288. Band 2. s'Gravenhage 1872-1876 (Digialisat)
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Sloet: Oorkondenboek der Graafschappen Gelre en Zutfen tot op den Slag van Woeringen, 5. Juni 1288. Band 2. s'Gravenhage 1872-1876