Urkunde 1263 Dezember 16

Am 16. Dezember 1263 wird ein Schiedsspruch wegen der Streitigkeiten zwischen dem Erzbischof Engelbert II. und der Stadt Köln beurkundet, in dem auch Personen aufgeführt werden, die gegen den Erzbischof auftreten wollen. Unter diesen befindet sich auch der Graf von der Mark.

Wortlaut

Die Urkunde ist in mittelniederdeutscher Sprache verfasst. Ihr Wortlaut wird nach dem Lacomblet Band 2 (S. ) zitiert:

Wir Henrich der bischof van Ludeche, Gerart der bischof van Munstere, Otte der greue van Gelren, Wilhelm der greue van Gulege, up der sagen unse here der Erchebischof Engelbrechte van Kolne up eine side, inde die burgere van Kolne uper ander side gelazin hauent die zweinge, die van unses vurgenanden heren gevencknisse inde van allirhande sachgin bis an desen dach hude tuschen in erloufen is, mit gemeineme raide sagen wir alsus. Dat unse here der vurgenande Erchebischof van Kolne die leste sune die tuschen ieme inde der stede van Kolne gemachet, bescriuen inde besigilt wart van beiden siden, vollevuren inde halden sal ane argelist. Vort so sullen die burgere van Kolne beide in deme wassere inde uppe deme lande van des bischofs haluen ungetollit syn inde varin vriliche in alle sine lande. Vort Wilhelm van Huntzgassen inde Herman der vieschere inde iere gesellen die sulen varin woenen ce Numegin ove da beniedene, inde bouen Numegin ensullen sy niemer komen; quemen sy euer da bouen, so ensal sy unse here van Kolne noch husen noch houen, noch he ensal sich iere niet anenemen wat in geschieht. Vort heren Peters kindere vanme Cranen inde iere mage sal unse vorgenande here der bischof duen die sune halden; inde enwillent sy des niet duen so sal he der stede van Kolne helpin wider sy, inde tasten an ier liff inde an ier gut, bis dat sy de sune van syme dode halden sunder argelist mit guden truwen. Vort so wat den burgeren van Kolne van unses heren vrunden genomen is, sint dat he gefangen wart, dat sal man in wieder geuen, wat dat mans gereit heuet, wat is euer verdain is, dat sal man in hendelingen verwisen inde redeliche gelden. Vort die burgere die in den ban komen sint van unses heren geueneknisses, inde die paffen die sint gesungen haint to Kolne, so welicher sich des schuldigh erkennet, die sal unse here uisz dem banne doen inde absoluieren, also verre als it an ieme is inde he is macht het, inde die he niet absoluieren enmag, die sal he vurderen mit brieuen inde mit bidden in guden truwen zu bischoue Albrechte oue he's macht het, inde of he's ingeine macht enhet, so sal he sy vorderen ze deme pauese inde wir mit ieme, dat he sy uzen deme banne due inde absoluiere. Vort so sint de burgere van Kolne inde alle iere helpere, beide paffin inde leien, inde nemelichen die kirgherin van Kolne in dieser sunen begriffen ane argelist. Vort den heren van Valkinburg, heren Heintzin den scholtizen van Andernachge, heren Winriche den drutzetzen van Hoinstaden, heren Arnoldt van Bienzeuelt, inde die andere alle die mit unsme heren geuangin worden, die sal die stat los inde quit lassen van ierme geuencknisse inde sal unseme herin inde allen den geuangenin wieder geuen alle dat in genomen wart do sy wurden geuangin, zo wa mant vindit, oue antweder man sal it in hendelingen redeliche geldin, inde so welchir einich verlies vordirt, de sal it uns deme vurgenanden greuen van Gulege inde oich heren Gozwine deme heren van Burne zoinen inde bewerin, inde dat wir beide darumbe na warheide inde na redelichen dingen sagen, da miede sal in beiden syden genuegen, inde bouen uns sagen ensal nieman up den anderen niet vorderen noch mit pandingen, noch mit eincher anderen wisen. Vort sulen die vurgesagede geuanginen verzien inde uruede duen up die stat van Kolne inde op alle iere helpere vur sich indé vur alle iere mage inde vur al iere vrunt. Vort quem it also dat einche zweinge upliefve tuschin unsme vurgenanden heren inde der stede van Kolne van dieser sunen, des hauent uns vieren macht gegeuen unse here van Kolne up eine syde inde die stat van Kolne up andir syde, dat ze becleirne inde nieder ze leginne. Wiers euer dat wir viere alle samen niet dar zu kumen enmohten, so mogin unsir ein bischof inde ein greue mit der andere zweier boden, die des iere offene brieue brengin, dat selue duen gelich alse wir alle viere samen druvere weren; inde dat sagen sullen wir endin binnen virzieh dagen, dar na dat it uns wirt gezounit. Inde da inbinnen insal erwedir up den anderen engeinen schaden duen. Vort so ensal unse vurgenande here van Kolne engeine zweinge sukin noch weruen, he noch nieman van sinenthaluen in der stat van Kolne tuschin der gemeinde inde den anderen burgeren. Vort van der scholt die die burgere unsme heren van Kolne heischent; inde ouch van deme, dat die burgere sagent, dat sumeliche burgere in Vrancriche up unsen heren van Kelne sint geuangin inde gepant; inde ouch van der tollingin die unse here van den burgeren van Kolne hat genomin: so sagin wir alsus, dat wir dat setzin an den grenen van Guliche inde an den prost van Aghe, inde an den heren van Burne, also dat sy dri of der greue mit ir antwederme die wareit verhorin inde vursien tuschen hie inde eght dage na druzindeme dage. Inde so wa sy sagint dat die scholt redeliche is, dat sy unse here van Kolne gelde zu sulchin zyden alse sy it setzent, inde da miede sal in enbeiden siden genuegen; inde den tol sal unse here wieder geuen also alse die seluen sagin sulin. Vort Diederiche van Heinsberg sinen neuen sal unse here sulich halden, dat he van der stat recht neme inde geue vur ieme ze Kolne vriedliche; inde enwilt he des niet duen, so sal unse here van Kolne der stede van Kolne recht rehtere syn ouer denseluen Diederiche van Heinsbergh. Vort so ensal unse here up die stat van Kolne inde up die burgere verzien inde quit lazen sy inde alle iere helpere van sime geuencknisse, inde swerin also alse bischofs recht is inde under des Paus banne erkiesen dese sune ze haldene an argelist. Inde vort so sal unse here van Kolne den Paus bidden mit sinen brieuen inde mit siner beden mit guden truwen, dat he dese intgenwerdighe sune stede halde inde confirmiere. Quem it euer also, des got niet enwille, dat unse here van Kolne diese sune breche inde niet inhielde, so hain wir viere van siner beden inde van sime guden willen inde van sime gebode gelouet inde gesichgert der stede van Kolne ze helpene wieder in also lange, bis dat he diese sune heldit inde die bruchge gebessert. Dat selue sal unse here van Kolne duen duen den bischof van Utriecht, den bischof van Osenbrucke inde den bischof van Mindene, den hertzogen van Limburgh, den greuen van Cleue, inde heren Luce sinen bruder, den greuen van Luzelenburgh, den greuen van der Marken, den greuen van Seyne, den greuen van Nasowen, den greuen van Kessele, den greuen van Nuwenare, Ailue den greuen van den Berge, den greuen van Morse, heren Walrauen van Guleche, heren Walrauen van Munioie, den heren van Valkinburg, Diederich van Heinsberg, die heren van Burne, die unseris heren van Kolne edele man sint; vort der marscale van Alfter, der schencke van Are, der burggreue van Wolkinburg, der burggrene van Rinecken, der vait van Kolne, der kemmerer van Kolne, die gebrüdere van Reimbach, her Gerart van Lantzcrone inde sine brudere, her Reinart van Wisse, her Adam van Vrechgene, her Daniel van Bacheim, her Winrich van Vischenich inde syn bruder, her Tilman van Gelstorpbinden sin bruder, der burggrene van Hoinstaden, her Renart van Bruche, her Wilhelm van Eddinckouen, her Winrich der druisesze van Hoinslede, her Reinart inde her Brain van Hoinstede, her Rabode van Udenkirchen, der vait van der Nersin, her Godeuert van Wathindunc, her Wilhelm van Reide, der her van Alpheim, her Arnolt der marscale van Westfalin, her Diederich van Volmetsteine, her Heindrich van Plettenbrecht, Ruprecht der druisesze van Richkelinkusen, her Adame van Hare inde syne brudere, die unses heren inde des gestichtes van Kolne getruwen sint, die sulen sichgerin inde swerin, oue unse vur- genande here diese sune brichgit inde niet enheldit, dat sy der stede van Kolne helpin sulen wieder unsen vur- genanden heren, also lange bis he die bruche gebeszerit inde diese sune heldit, na deme alse van uns hie vur beserieuen is. Vort so sall unse vurgenande here sine stede inde des gestichts van Andernache, Bunne, Nusse, Berke, Sante, Reis, Zuseis inde Rickelenhusen alse sulich haldin, dat sy dat selue gelouen ze dune inde besiegelen. Hie enbouen zu urkunde inde stedichheit aller deser dinge hant die Priore van Kolne van beden inde van geheise unses vurgenanden heren van Kolne sente Peters ingesiegele mit ieres selues inde mit den unsen inde alle der vurgenander ingesiegelen an diesen brief gehangin, inde dar zu mit guden truwen geloft, quemit also dat unse here diese sune breche, dat sy des der stede urkunde sulen dragen so wa si's gesinnit inde bedarf, inde ouch dat sy unseme heren van Kolne noch helpin noch radin ensulen wieder die stat inde die burgere van Kolne, bis dat die sune van ieme gehaldin wirt inde die bruche gebeszerit. Inde wir vurgenande Priore van Kolne, Edele man, dienstlude, Amtlude inde burgman des gestichtes van Kolne, inde die stede, die hie vur genant sint, ergien des offinbare, dat alle diese vurworde wair sint, inde dat wir gedain inde gelouet hain alse hie vure gescrieuen steit; inde ze urkunde inde zu stedicheide han wir unse ingesiegele mit unses vurgenanden heren van Kolne inde der vurgenanden segeren inde des Capitels van Kolne insiegele an diesen brief gehangin. Inde wir, der ingesiegele hier auenietenheit, lazin uns genugin inde ergien des seluen mit der andere ingesiegele, die an diesen brieue hangint. Inde wir Engilbrecht van gotz genaden der vurgenande erchebischof ze Kolne ergien offinbare an diesme entgeinwerdiegen brieue, dat alle diese vurgescrieuene dine wair sint inde dat wir mit unsme guden willen so gelouet inde erkoren inde gesworen hain alse hie vure gescrieuen steit, inde verziegen hain inde verzien up unse burgere van Kolne semeliche inde sunderliche inde up alle iere helpere, beiden paffin inde lein, inde nemeliche up die kirgherin van Kolne. Inde ze urkunde inde ze ewelicher stedicheit aller dieser vurgescrieuener dinge so hain wir unse ingesiegel mit sente Petirs inden der anderer vurgenander ingesiegele an diesen entgenwordichen brief duen hangin. Dit is geschieht inde bescrienen na godes geburde duisent iair zwey hundert iair inde dru inde seiszig fair, des sundais na sente Lucien dage.

Übersetzung

Ins Hochdeutsche übersetzt lautet die Urkunde wie folgt:

[...]

Literatur

• Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901

Siehe auch

• Portal:Urkunden