Quelltext der Seite Urkunde 1355 November 29 a

[[Datei:Wappen der Familie Sümmern.jpg|thumb|right|Wappen der Familie von Sümmern]]

Der Ritter [[Gerlach von Sümmern]] und seine Söhne Richard und Godeke verkaufen am [[29. November]] [[1355]] an Heinrich von Hardenberg und seinen Sohn Heinrich den Hof genannt zu West-Ardey und stellen ihnen zur Sicherheit Bürgen mit der Verpflichtung des Einlages zu Dortmund.

== Wortlaut ==

Die Urkunde ist in mittelniederdeutscher Sprache verfasst. Ihr Wortlaut wird nach Merx zitiert: <ref> Otto Merx: Urkundenbuch des Clarissenklosters, späteren Damenstifts Clarenberg bei Hörde. Dortmund 1908. </ref>


<blockquote>  
Kundeec sy alle denghennen, de dissen bref sehet ande horen lesen, dat ich her Gerlach van Surmmeren, eyn ritter, Rekard linde Grodeke brodere van Summeren, hern Gerlages sone, lovet in dissem breve ersamen luden hern Hinrike van Hardenberge unde hern Hinrike sime sonen unde eren rechten erven, tho donde vertichnisse, uplatinge unde rechte warschap binnen jares unde daghes, also in dem lande eyn wontheit is unde eyn recht is, de hove, de gheheten is tho West Ardey, war unde wo de geleghen is mit aller thobehoringe, de wy en unde eren rechten erven mit vulbort unde mit guden willen al unser erven hebbet verkoft vor eyn eyghen gud, also de koypbref heldet, den wy up den koyp ghegheven hebbet. Unde tho eyner wisheyt unde sekerheyt disser stucke, so hebbe wy hern Hinrike unde sime sonen vorgenomet unde eren rechten erven borghen gesad hern Hinrike van Schedinge, hern Helmighe van Summeren riddere, Dydrike van Werminchusen unde Lamberte van Herborne knapen, de mit uns unde wy mit en gelovet mit samender hant unde gesekert hebbet in guden truwen, weret dat en vertichnisse, uplatinge unde warschap in wyse, alse vore geseget is, nicht en ghesche, so sole wy sakewolden undo borghen also, alse wy vorgenomd sint, wanne wy gemanet werdet van hern Hinrike ofte van sime sone vorgenomd ofte van eren rechten erven ofthe van eren wissen boden, unverthoget mit unses selves lyve tho Dorpmunde inryden unde leysten dar thosamenden in eyner gemeinen erliken herberge unde nicht von danne tho komene, hern Hinrike unde sime sone vorgenomd unde eren rechten erven en sy vertichnisse, uplatinge unde rechte warschap des vorgenomden gudes mit aller siner thobehoringe in aller der wyse, alse vorgeschreven is, alink vul geschen. Unde tho eyme thuge der warheyt alle disser vorgenomeden stucke, so hebbe wy sakewalden unde wy borghen vorgenomd dissen bref mit unsen seghelen beseghelt, de gegheven wart na der gheburt unses heren goddes, do men schref drittenhundert jar in den vifundeviftichsten jure uppe sentte Andreas avent.
</blockquote>

== Literatur ==

* Otto Merx: Urkundenbuch des Clarissenklosters, späteren Damenstifts Clarenberg bei Hörde. Dortmund 1908

== Anmerkungen ==

<references/>

== Siehe auch ==

* [[Portal:Urkunden]]

[[Kategorie:Urkunden]]

[[Kategorie:Urkunden 14. Jahrhundert]]